مفاجأة صادمة.. حريق مطعم صبحى كابر بفعل فاعل | تصريح ناري من المالك الجديد

تصدر حريق مطعم صبحى كابر مؤشرات لبحث والسوشيال ميديا، خاصة بعد تصريحات ممدوح الإمام، مالك مطعم صبحي كابر، والذي أدلى بتفاصيل حريق المطعم، موضحًا أن النيران التهمت الدور الثالث بالكامل والواقعة تمت بفعل فاعل.

مالك مطعم صبحى كابر يكشف تهديدات ويتوعد المتسبب فى الحريق

وأضاف مالك مطعم صبحى كابر، خلال تصريحات تلفزيونية: معروف مين اللى عمل الحريق وهيتجاب النهاردة، الدور التالت كله ولع والحريق بفعل فاعل، وحاليا بنعمل محضر بالواقعة.

وتابع: اتقالى يا إما أتنازل عن القواضى لهولعلك فى المطعم، وبقالى 7 شهور فى الكلام ده، وأنا الضغط زاد عليا بسبب الحريق، ربنا يأذى المؤذى وينتقم من عياله، حسبنا الله ونعم الوكيل فى اللى عمل الحريق.

وواصل: أنا مش عايز أقول اسمه واحنا معناش غير ربنا.

وفى تصريحات خاصة، قال ممدوح الإمام، مالك مطعم صبحي كابر الجديد، إنه يتهم صبحي كابر بالتورط في حريق المطعم.

وبعد حريق مطعم صبحي كابر، انهار مالك المطعم الجديد من البكاء بعد نشوب حريق داخل المطعم، قائلا: أنا بتهم صبحي كابر بالتورط في الحريق، وبقوله أنا مش قدك، رفعت إيدي للسما.